Iasyllok U Lat bad nongpyniaid skulbah ha jylla

Shillong 5 Naiwieng:
U Lat ka jylla u Dr. K. K. Paul kum u Visitor jong ki skulbah shimet hynne ka sngi u la iasyllok bad ki heh sorkar ba dei peit ia ka tnad pule puthi ban tip ia ka jinglong jingman jong ki skulbah shimet kiba don ha kane ka jylla.
Ha ka jingialang kaba long ha Raj Bhavan, la wan ban iadon bynta ki Chancellor bad ki Vice-Chancellor kiba la ai jingtip halor ka jinglong jingman jong ki skulbah ha ka jylla. Na ka liang ka sorkar jylla la mihkhmat da u Principal Secretary ka tnad pule puthi.
Ha kane ka jingiakynduh, u Lat u la kyntu ia ki nongpyniaid jong ki skulbah ban pynlong ia ki jaka pule jongki kiba biang ban ai ia ka jingshakri kaba paka sha ki samla pule ha ka jylla. U Lat u la ban ban don ka jaka pule kaba biang bad kiwei ki jingdonkam kum ka library, journals bad ki laboratory na ka bynta ka science bad technical courses, ka tnad wadbniah bad ki kam ialehkai, ki kolshor bad kiwei.