Shillong: Ka sorkar jylla mynta ka sngi, ka la shim ia ka rai ban ym shah ban pynlong kano kano ka jingkhawai ha ki ar tylli ki District, kata ha East Khasi Hills District bad ha Ribhoi District haduh ba ka sorkar jylla kan pynbna pat da kumwei, la iathuh da u Symbud myntri rangbah ka jylla u bah Prestone Tynsong.
Haba iakren bad ki lad pathai khubor u bah Prestone, u iathuh ba kham mynshwa, ka sorkar jylla ka la rai ban shah ban don ka jingiathoh shong kurim bad ka jingkhawai, hynrei mynta ka sorkar jylla ka la shim biang ia ka rai ban ym shah shuh ban pynlong ia kano kano ka jingkhawai ha ki ar tylli ki District.
U bah Prestone u la iathuh ba ka jingshim ia ka rai ban khang ia baroh ki jingkhawai ha kine ki ar tylli ki District ka long hadien ka jingkiew sted jong ki nongpang Covid -19, khamtam ha ka District jong ka East Khasi Hills District bad Ribhoi District.
Mynta pat Ka Kam iathoh Kam dei shuh Ka Kam kyrkieh, dang Ka taiew ba lah dep imat, lah pynbna ba Ka Kam iathoh ruh Ka dei Ka Kam kyrkieh