Shah kem ki 7ngut, ba rahbor ia u nongkhaii dewiong

Shillong:Ki hynniew ngut ki ehrang, ki la rahbor ia u wei u nongkhaii dewiong u ba dei ka shnong Jadi, South Garo Hills. Kitei ki ehrang, ki la rah bor ia u Rintu R Marak na ka shnong Ringdim kaba hap hapoh ka Shallang Police Station, West Khasi Hills.

Hadien ka jingioh jingtip ha poh ka jingialam jong ki Pulit ka West Khasi Hills,ha ryngkat ki pulit ka South Garo Hills bad ki pulit ka East Garo Hills ki la pynlong ka jingthwet ka ba jur ia kine ki briew ki ba donkti ha ka kam rah bor ia u nongkhaii dewiong.

Hadien ka jingshah thwet kaba jur na ki pulit,ki ne ki nongrah bor ia u nongkhaii dewiong ki la pyllait noh ia u Rintu, ha ka 13tarik u Naitung 2020 bad la iathuh ruh ba ki la ioh ia ka pisa, kaba ki dawa na utei u nongkhaii.

Hynnin ka sngi ki pulit jong ka East Garo Hills, ki la pynpra ia ka ktem ba ki don kitei ki snar nonglute, kiba donkti ha ka jingrah bor ia u Rintu R Marak bad la kem ruh ia kitei ki runar.

Ia kine ki ba la shah kem la aiti noh ha ki pulit jong ka West khasi Hills bad pynlong ia ka jingtohkit ka ba bniah bad ka jingthwet ia kiwei pat ki ba donkti ha kane ka kam ka dang iaid shakhmat.