Sumar ei ka KJP Synod Sepngi ha Iewduh

Shillong 4 Naiwieng:
Ka KJP Synod Sepngi Urban Mission mynta ka sngi ka la pyn long ia ka jingai jingsumar ei ia ki paidbah nongiew ha Iewduh.
Kane ka jingai jingsumar ei la plie da u CEM ka KHADC u bah Adelbert Nongrum ryngkat ka jingiadonlang bad ki doktor ki nos ka Gordon Robert Hospital bad ki nongkitkam ka Greater Iewduh Welfare Association (GIWA).
Ka jingthmu jong ka KJP synod ba pynlong ia kane ka jinngsumar ei ka long kum shi bynta ban ai jinghiakai ban pynioh ia ki nongshong iew ba kin tip ia la ka jong ka koit ka khiah bad ban ioh ia ka jingsumar bad ban don noh laka jong ka Drop-in-Centre hangne ha khlieh Iewduh, la ong u Director ka Urban Mission u pastor B Syiem .
U Pastor Syiem u la ong ba ha kane ka Drop-in-Centre yn ioh pynlong ia ki jingia syllok bad ki briew kiba ha ki jingeh ba bunjait bad yn don ruh ba kum kine ki jaka sumar bay n plie na ka por sha ka por.