Pdiang ka NHRC ia ka jingjia Mookhep

Shillong, 4 Naiwieng:
Halor ka jingjia kaba la jia ha Mookhep ha kaba ar-ngut na Wapung skur ki la iap na ka jingshah siat ha ki pulit, bad tang shisngi hadien ba la tep donburom ia ka metiap jong ki, U Pastor PBM Basaiawmoit u la leit ban tohkit ia katei ka jingja kaba la jia ha ka 24 tarik u nailur, 2014.
Hadien ba la tohkit u Pastor PBM ha ka kyrwoh u la ong ba u la lap ba katkum ka jing iathuh ki trai jong katei ka shnong Wapungskur ba ki nongshong shnong ki la tur sha Khliehriat ban dawa na ki bor ka ain ban pyllait noh ia uwei u samla uba la shah rah ha ki pulit ha ka nohphai sngi jong ka 24 tarik na ka daw ka jingshah kynnoh ba u la thombor ia kali pulit ha ka kynta ba ka pakhang surok ka MIRPL ka dang iaid.
U Pastor u la ong ba haduh mynta ka ripod jong ki Majistor kam pat mih, hynrei ia katei ka ripod jong u, u la dep phah ia ka jingujor sha ka NHRC, hadien katei ka jingjia bad u la ioh ia ka jubab ba ki dang ioh pdiang ia katei ka jingujor dang mynhynnin ka sngi kaba ki la phah sha u da ka SMS bad ka Email.