Yn ia kynduh u CEM ia

Shillong, 2 Naiwieng:
Ha ka jingiakynduh ha ka Shad Pomblangha Smit ha ka 1tarik mynta u bnai, u Bah Adelbert Nongrum, MDC, Chief Executive Member, Khasi Hills Autonomous District Council, u la ong ba ka por ka dawa ia baroh ban wan sha ka jingiatreilang bad u la pdiang ia ka jingkyr pad na u Bah John F Kharshiing, Co-Chairman, MSPB, Chairman, Ka Dorbar Ki Khlieh Nongsynshar Ka Ri Hyn niewtrep, Spokesperson, Federation of Khasi States, ban ia kynduh bad ki Khlieh Nongsynshar kynthup ia ka Federation of Khasi States, bad ki Sirdarship ha ophis treikam jong u ha ka taiew ban wan.
Ha katei ka jingiakynduh bad ka jingiakren ha ka Shad Pomblang u Bah John u la ai khublei bad kitbok ia u Bah Adelbert Nongrum, MDC, Chief Executive Member, Khasi Hills Autonomous District Council, ba thymmai, ha ka juh ka por u Bah John F Kharshiing, u la pyntip ba ki jingdawa jong ka Federation of Khasi States ki la nang paw dur ha kaba dang shen ka MHA ka la phah ia ka shithi sha ka Dorbar ba ka MHA ka la bthah ia ka Sorkar Jylla ban bishar halor ka kam Instrument of Accession and Annexed Agreement 17 Aug 1948, kumta ka long kaba donkam ban ia kynduh hapdeng ki bor KHADC, Sorkar Jylla bad ki Khlieh Nongsynshar ban ia sngewthuh jingmut halor kane ka kam kaba ktah ia ki Hok jong u Khun u Hajar, na ka liang u Bah John F Kharshiing, u la pyntip ha u Bah Adelbert Nongrum, ba kham mynshwa ka jingiakren ka la iaid shakhmat bad ka EC, KHUDA kaba rim hapoh ka jingialam jong u CEM barim, hynrei namar ba wan ka Election MDC kitei ki jingiakren halor ka Regional Council na ka bynta ki Khlieh Nongsynshar ka la sangeh noh shwa. Ha kajuh ka por u Bah John u la pyntip ha u CEM ba ka long kaba kyrkieh ban pynkhreh ia ki jingkylla kiba khreh ban wan namar ka don ruh ka jingpynkhreh ban pynbeit thymmai ban pynbiang ia ki jingiakut ‘text settlement jong ki ANVC bad ka Sorkar India lyngba ka Sixth Schedule, hapoh ka Constitution Ri India.Kumta, halor katei ka phang u Bah Adelbert u la pynpaw ba u long uba kloi ban ia kynduh ha ka taiew ban wan ha ophis treikam jong u ban ia kren halor kitei ki kam, bad u la ong ba ka long kaba donkam bha ban ia buh ia ka jingsngewliang sharud haba ia trei hapoh ka District Council, khnang ban ioh ia ka jingiatreilang na baroh ki liang.