4ngut kiba ioh pang khlam corona mynta ka sngi ha ka Jylla

Shillong: U myntri ba dei peit ia ka tnad ka koit ka khiah, u bah Alexander L Hek u la iathuh ba mynta ka sngi 4 ngut ki briew la test COVID-19 Positive bad da ka jingtest covid jong ki 4 ngut ka jylla, ka la kot sha ki 259 ngut ki briew kiba don ia ka jingpang Covid-19 bad ki briew kiba la ioh jingkoit ba pura ki long 45 ngut.

U bah AL Hek, u la iathuh ba 4 ngut ki briew ki ba 4 ngut ki briew ki ba la test positive mynta ka sngi, 2 ngut ki dei na Chokpot jong ka South Garo Hills District, uwei na East Garo Hills District bad uwei na North Garo Hills District. Ki briew kiba dang don ia kane ka jingpang ha ka jylla ki long haduh mynta ka sngi ki long 259, ki Shipai BSF 172, ki Shipai Air Force 2 bad ki riewpaidbah 50 ngut.

Ha East Khasi Hills District 224, ha Ri Bhoi District 20, ha East Jaintia Hills District 2, ha West Garo Hills District 9, ha East Garo Hills District 1 bad ha North Garo Hills District 1.