Khang shipor ki pulit, ia ka thanat ha Nongmynsong

Shillong: Ki pulit jong ka Jylla, ki la khang noh shwa shipor ia ka Nongmynsong Police Outpost, naduh hynnin ka sngi.

Ka jingkhang ia katei ka thanat shipor, ka dei ba ki don na ki pulit, kiba don ha katei ka jaka, kiba ia kynduh bad uwei u briew, uba don ia ka jingpang Covid 19.

Yn khang ia katei ka thanat, na ka bynta ban pynkhuid shwa bad ia ki pulit kiba don ha katei ka jaka, la phah ba kin phah peit bniah ialade ha ki doktor bad la bthah ia baroh kiba don sha katei ka thain, ba kin leit sha ki pulit ka Rynjah, na bynta ki jingdonkam bapher.

Kiwei ki lad khubor, ki iathuh shuh ba ki pulit ki la khang ruh ia ka Saipung Police Outpost, East Jaintia hills bad katei ka dei, hadien ba uwei u pulit, ula ioh ia ka jingpang khlam Coronavirus.