Ther jur u slap, hynnin ka sngi ha Sohra bad Shillong

Shillong: Ka Sohra, hynnin ka sngi, ka ioh slap haduh 523.4mm bad katei ka dei ka jingkhein kaba naduh 8.30 mynstep, haduh 8.30 mynmiet.

Ha katei kajuh ka por, ka nongbah Shillong, ka ioh slap 148.5mm, katba ka Umiam, ka ioh 73.4mm.

Mynta ka sngi, ka Sohra, ka ioh slap 114.8mm, kaba sdang naduh ka por 8.30 mynstep haduh ka por 5.30 mynta ka janmiet, katba ha katei kajuh ka por, ka Shillong, ka ioh 3.7mm bad ka Umiam, ka ioh 2.2mm.

Ka tnat peit mariang, ka maham ruh ba lashai ka sngi, kan dei ka sngi, kaba don ka jinghap slap, kaba jur bha ha ka ki bynta jong ka Jylla bad kan don ruh ka tied pyrthat bad ka jingthaba leilieh.

Haduh mynta, ka tnat peit mariang jong ka sorkar India, ka don ia ka jingthew slap tang ha Umiam, Shillong bad ha Sohra, katba kam pat don satia sha kiwei ki jaka kum ha Mawsynram, kaba dei sa kawei pat ka jaka, kaba jur bha ka jing hap slap bad kam don ruh ka jaka thew ha ki bynta jong ka Jaintia Hills.