Dang bteng ki seng na Mawshynrut, ban pyrshah ia ki coke company

Shillong:Ka JAC Mawshynrut, ha ka jingialang jong ka kaba long mynta ka sngi, ha ophis FKJGP ha Riangdo ha ka jingiadon lang ki sengbhalang kiba kynthup ia ka HNYF, FKJGP, UHM bad ka WKSU Mawshynrut Circle, ryngkat bad ka synjuk ki nongsynshar shnong Umdang area ka la rai ba kan iai bteng beit ia ka jingpyrshah iaki coke factory kiba don ha ki Thain shallang.
Ka JAC ka ka shim ia ka rai ba ia mynta shipor yn don shwa tang ka HNYF, FKJGP, UHM, WKSU bad ka synjuk ki nongsynshar shnong ban pyntyllun ia ki kam ba dang sah.

Ka JAC ka pynpaw ruh ba ka sngew lyngngoh bad sngewsih ia kiei kiei kiba dang shu dep jia kaba pynthohbria ia ka jac baroh kawei bad ka jac ka ka shim ia ka rai ba kan dang iai buddien ia ki kam ba sah teng, bad ka kwah ruh ban pynshai sha ki paidbah ba kam dei ba ka lah shong thait hynrei ha u bnai Lber ka dang shu dep wan mih bad u S.D.O. civil Mawshynrut ban dawa ia ka magisterial inquiry bad u S.D.O u la kular ba un pyndep ha u bnai March 2020, hynrei kaba sngewsih ka long ba ka lap noh shwa ka lock down bad ki kam ki lah sahteng. Ha kane ka jingialang, ka JAC ka la rai ba kan leit mih biang sha ki bor sorkar ha kaba iadei bad kane ka kam.

Ha kane ka jingialang la jied ia u bah Rishai mawlong kum u vice chairman uba dei ruh ha kajuh ka por u president ka WKSU mawshynrut circle bad ia u Steven Nongsiej, kum u asst secretary uba dei ruh u president ka uhm mawshynrut circle.