Shah kem, ba

Shillong, 31Risaw:
Mynhynnin ka miet ha ka por 10 baje ki runar kiba don ha kawei ka Local Taxi kaba don ia u nombar ML-05K 7554 ki la ktah kti lai-ngut ki nongthohkhubor bad katei ka jingjia ka la jia hajan Nan polok. Ki lai-ngut ki nongthohkhubor ba shah ktah kti ki long u bah Jona Diengdoh, u Geoffrey Kharkongor bad u bah Sameer Sohliya, kitei baroh lai-ngut ki la mynsaw bad la pynkit ia ki sha Civil Hospital Shillong. Kham hadien ki pulit ki la ioh kem ia u nongniah katei ka kali u Raju Jamatia, 31 snem karta uba shong basah ha Lapalang bad ia ka kali la kurup noh da ki pulit. Ka jingtohkit ia u nongniah ban ioh kem sa ia kiwei pat ka dang iaid.