U Jagdeep, u aktor ba khlaw ka Bollywood, uba ju ak komik, ula khlad noh hynnin ka sngi ha Mumbai, ula don 81 snem ka rta. U don arngut ki khun shynrang, U Jaaved Jaaferi bad U Naved Jafri.
U Jagdeep, u dei uba kyrteng mynshwa, U Syed Ishtiaq Ahmed Jafri, ula ak phlim nyngkong, ha ka por, ba u dang khynnah rit, ha ka phlim Afsana, kaba la thaw da U BR Chopra. Nangta, ula ak shuh shuh sa kiwei pat ki phlim, kum ka Ab Dilli Door Nahin, Munna, Aar Paar bad ka Do Bigha Zamin, ha kaba u ak kum u khynnah rit.
Ha ka phlim Sholay, ha u snem 1975, U Jagdeep, ula shim ia ka bynta jong U Soorma Bhopali bad ka dei ruh ka bynta kaba sah kynmaw bha haduh ha kine ki sngi. Ula ak ha ki 350 tylli ki phlim bad ula ak phlim haduh u snem 2017.
Phi don ban ong eiei?