Sa 308 ngut ki pulit, kiba ioh pang covid 19 ha Assam

Ki la don sa 308 ngut ki pulit, kiba ioh ia ka jingpang khlam Covid 19, ha Assam, ia kane la iathuh da U GP Singh, Additional director general of police (law & order), Assam. Utei u heh pulit, u iathuh ruh ba 68 ngut ki pulit, ki la jem na katei ka jingpang.

Haduh ha ka Sngi U Blei, ki don 932 ngut ki pulit, kiba don ha ka jingshong kyrpang ban iada na ka jingpang khlam covid 19, ong U Singh.

Hynnin ka sngi, U Singh, u iathuh ba ki don 256 ngut ki pulit, kiba ioh pang covid bad 50 ngut ki la jem na ka jingpang bad sa 832 ngut kiba don ha ka jingshong kyrpang.

Ka Assam, haduh mynta, ka don ia 12,522 ngut kiba ioh pang COVID19 bad 4,623 ngut na kitei, ki dei kiba dang shah sumar.