Kiew ka India sha ka 7lak ngut, kiba ngat ia ka khlam covid 19

Ka jingiap briew, na ka khlam coronavirus ha India, ka la tam sha ka 20 hajar ngut haduh mynta ka sngi.

Kiba iap ha ki 24 kynta ba ladep, ki long 467 ngut bad kumta haba khein lang, ki la poi sha ka 20,160 ngut bad nangta kiba dang shu ia bit jingpang, ki long 22,252 ba kumta kiba ioh pang, ki la poi sha ka 719,665 baroh lang bad ka India, mynta ka la tam ia ka Russia, ha ka jingdon kiba ioh pang khlam covid 19. Kiba dang shah sumar haduh mynta, ki long 2,59,557 ngut bad kiba la jem na ka jingpang, ki long 4,39,948. Ha kaba iadei bad ka jingbun kiba iap, ka India, ka wan mynta ha ka kyrdan kaba phra ha ka pyrthei baroh kawei.

Ha Delhi, kiba ioh pang khlam covid 19, ki la tam ia ka shi lak ngut, haduh mynta ka sngi bad ha Karnataka, ka jingpang, ka la tam ia ka 25 hajar ngut.

Ha Assam, ka Jorhat, kan don ha ka jingkhang shnong, kaba trei kam naduh ka por 7baje mynta ka miet, haduh ka 15tarik Naitang 2020.