Hadien ba la shah khang shipor, yn plie noh ia ka SBI Bank ha Khanapara

Nongpoh: Ka Deputy Commissioner, Ri Bhoi District, Nongpoh, ka la pyntip paidbah ba naduh ka 7 tarik mynta u Bnai, yn sdang ban plie biang ia ka State Bank of India (SBI) Khanapara Branch, kaba don hapoh ka shnong Khanapara, Ri Bhoi.

Namarkata, na bynta kito ki paidbah kiba don ia kino kino ki kam hapoh katei Bank, ki lah ban leit sha katei ka SBI Bank, na ka bynta ban pyndep ia ki kam Bank ki jong ki.

Lah ruh ban kdew hangne, ba ka Deputy Commissioner ka Ri Bhoi, ka la pynmih ia ka hukum ban khang khyrdep shipor ia katei ka Bank, kata ka long hadien ba la don uwei u briew na ka jylla Assam bad uba trei hapoh katei ka Bank uba la ioh COVVID-19.