Ha shwa, ba un dap 90 snem, ioh khun shynrang U Bernie, na ka tnga kaba 44 snem

U Bernie Ecclestone, uwei na ki heh spah ka pyrthei, ula jan dap 90 snem ka rta bad myn sngi balang, ula ioh khun shynrang.

U Bernie, u dei u heh spah bad u trai jong ka jing ialehkai Formula 1, ula ioh khun shynrang na ka tnga jongu, ka Fabiana Flosi, 44, ha kaba ka ioh khun hynnin ka sngi.

Ka Miss Flosi, ka ioh ia u khun, uba 3 kilo 20 gram, ha kaba la ai kyrteng da U Alexander Charles Ecclestone, ha kaba la kha ha Bern, Switzerland, ha kaba ki ia shong ia sah kynjah ha katei ka shnong, na ka pakhang shnong coronavirus.

U Bernie, ula don ka khun kynthei, ka Deborah, kaba 65 snem, na ka tnga ba nyngkong jongu, ka Ivy Bamford, nangta sa ka Tamara, 35 bad ka Petra, 31 na ka tnga ba ar jongu, ka Slavica Radic.

U Bernie, un dap 90 snem ha U Risaw.