Ka Khanapara bad ka 13 Mile, dei ki shnong kiba hap ban pynsted ka jingtest naphang ia ki briew:Dr War

Shillong: U Director ka tnad ka koit ka khiah, u Dr A War, u la iathuh ba ki jaka kiba mynta ki donkam ban pynsted ia ka jingtest naphang (random testing) ia ki nongshong shnong ka dei ka Khanapara bad ka 13 Mile Ribhoi District.

Kane ka long hadien ka jingtest Covid -19, ia ki 10 ngut ki briew kiba sah ha Ribhoi District, kata 5 ngut na Khanapara, 4 ngut na 13 Mile bad 1 na Umden Nongtluh bad mynta ka sngi ka tnad ka koit ka khia ka la sdang ia ka jingtest naphang (random testing) na ka shnong Khanapara. U Dr War u la iathuh ba ki briew jong ka tnad ka koit ka khia mynta ka sngi ki la sdang ia ka jingtest naphang (random testing) na ka shnong Khanapara ha ka ba 350 ngut ki briew la dep leh ia ka test lyngba u Rapid testing kits.

U Dr War, u la iathuh ruh ba lyngba ka jing pyn jari ia ka Curfew ha ki bynta jong ka Byrnihat ter ter shaduh Khanapara kan iarap ban ym ailad ia ka jingpang Covid-19 ba kan ioh ban pur sted ha kane ka jaka namar ki briew kin ym ioh ban iakhleh.