Ka jylla Meghalaya kam pat shngaiñ satia na ka jingpang Covid-19, kumta ki paidbah kim dei ban khein sting

Scholar Lawriniang Nongthliew WKH

Ka jylla baroh kawei kam pat shong shngañ satia kat haduh mynta haba ia dei bad jingpang Covid-19 namar katba nangmih ki sngi ka jingpang ka nangkiew khamtam ha ri India baroh kawei ka la palat ia ka shiteng millian ngut kiba pang, bad ha ka jylla jong ngi ruh ngi iohi ba katba nangmih ki sngi ka sdang ban kiew haduh mynta kiba dang don ia kane ka jingpang ha ka jylla jong ngi ki long 18 ngut baroh.(Active) Bad kane ka jingpang ka sdang ban ktah bad ioh jaka pat sa sha ki paidbah nongshongshnong kiba hapoh ka jylla.

Kumta ki paidbah nongshongshnong baroh kiba hapoh ka jylla hi baroh kawei kim pat dei ban kheiñ sting ia kane ka jingpang bad ki dei ban dang bud ryntih ia ki kyndon kumba la bthah da ka sorkar bad ba kin shim ruh ka jingkitkhlieh ha lade ban peit thuh bha ia ka leit ka wan ki briew kiba hapoh shnong poh thaw ba kim pat dei ban ailad eh ba kin rung kin mih katba mon khamtam eh ia ki briew kiba nabar ka jylla. Khnang ba ngi lah ban teh lakam ia u paidbah nongshongshnong kiba hapoh ka jylla hi baroh kawei na kane ka khlam.

Ka jingialeh pyrshah ban iada ia ka khlam ha ka jylla kam shong eh tang ha ka jingpyrkhing ki kyndon bad ki aiñ jonh ki bor sorkar, hynrei kaba nyngkong ka shong eh ha ka jingkitkhlieh jong nga jong phi shuwa shimet shimet ha ryngkat bad ka jingiatrei lang bad ka sorkar. Ban wanrah ia ka jingjop ia ka jylla na kane ka jingpang khlam.