“Plie noh PHC Lad Mawreng”

Shillong, 28 Risaw:
Ka KSU bad FKJGP, Upper Shillong, ki la leit ban ujor sha u myntri ka koit ka khiah ka sorkar Jylla, ha kaba iadei bad ka jing bym pyntrei kam shuh ia ka Sub Centre ha Lad Mawreng, kaba la tei naduh u snem 1994, kaba la tei ha Lad Maw reng, hynrei, ia katei ka Centre, la shu shongwai ha kawei ka iing kaba ha katei hi ka Shnong.
Ka seng, ka dawa namarkata ba ka sorkar Jylla, kan sdang ban pyntreikam noh ia katei ka Sub Centre, khlem pynslem shuh bad la iathuh ba katei ka jaka sumar, kan ai jingmyntoi ia ki shnong, kiba kynthup ia ka Lad Mawreng, Kharnongwah, Mawreng Sepngi, Mawreng Mihngi, Lyngkhwir, Mawkalum, Lumsohriew, Umthlong nalor kiwei pat.
Ha ka jingia kynduh bad u myntri, ka jing iakren ka long kaba seisoh namar u la ai ka jingkular hakhmat ki nongialam jong ka seng ba na ka liang jong u hi un shimkhia ia katei ka kam bad ruh ban pynkloi katba lah na ka bynta ka jingbit jing biang jong ki paidbah Nong shong shnong jong kitei ki 8 tylli ki shnong.
Na ka liang jong ka FKJGP & KSU Upper shillong Circle kin iai bud dien ia katei ka kam bad ki kyntu ruh ia ki bor kiba dei khmih ba ki dei ban leh ei ei noh kham kloi ban bat ia la ka kular bad ba kim dei ban shu pynleh nohei bad pyn syrwa kai ia ka pisa jong ki paidbah.