Kiba la leit sha ka N.S Block Factory ki hap shong Quarantine

Nongpoh: Khyndiat kynta hadien ba uwei u briew na Assam bad uba dei ruh u trai ka N.S Block Factory kaba don ha Killing, u la ioh ia u khniang jingpang COVID-19, ka Deputy Commissioner, Ri Bhoi District, Nongpoh, ka la pyntip ia ka jingpyntip paidbah bad kata ka ka long ba la kyrpad ia kito ki briew kiba la leit sha N.S. Block Factory, kaba don ha Killing ha ka 23 tarik mynta u bnai, ki dei ban leh ia ka Home Quarantine haduh 14 sngi lynter.La kyntu ruh ba kito kiba shong Quarantine, ki dei ban sumar bha ialade, kata da kaba deng ia ki Face Mask, ban leh ia ka Social Distance bad ruh ka jingsait kti kaba man ka por.

Hynrei lada ki don ia kino kino ki jingshitom kiba kynthup ia ka jingpang shit, Jyrhoh bad jynjar ha kaba ring ne pynhiar mynsiem, nyngkong ki dei ban pynjngai ialade na kiwei pat bad nalorkata, ki dei ban pyntip sha ka District Control Room No.03638-232028/1077 lane sha ka Health Help Line No.8787520449.