Phah khang shnong ka sorkar Meghalaya ia ki jaka ba iajan bad ka jylla Assam, haduh ka 15 tarik u Naitung

Shillong: U Myntri rangbah ka jylla u Conrad K Sangma lyngba ka twitter, u la pynbna ba ka sorkar jylla ka la shim ia ka rai ba ia ki jaka kiba marjan bad ka jylla Assam ki ba kynthup ia ka Byrnihat,Jorabat haduh Khanapara ha Ribhoi District, ban phah khang shnong (Lockdown) shuwa naduh lashai ka sngi ka 30 tarik u Jylliew, haduh ka 15 tarik u Naitung 2020.

Kane ka long hadien ba ka jylla Assam ka la shah ktah jur ha ka jingpang Covid-19. Na ka liang u Symbud Myntri rangbah ka jylla u bah Prestone Tynsong, u iathuh ba ha ka jingialang ba la long mynta ka sngi ka sorkar jylla ka la shim ia ka rai ba naduh lashai ka sngi ka 30 tarik u Jylliew 2020 ka sorkar jylla ka la phah khang dam ia ki dukan kiba don ha Byrnihat terter haduh Ranikudam Ribhoi District haduh ka 15 tarik u Naitung 2020.

U bah Prestone u la iathuh ba kane ka jingphah khang ia ki dukan kiba don ha kine ki shnong ka long hadien ka jingpursted jong ka jingpang Civid-19 ha ka jylla Assam, bad ka long ruh ban pyntikna ba ki paidbah jong ka jylla kin lait na ka jingpang Covid-19.

U bah Prestone u la iathuh ruh ba ia ka jingiarung ia mih hapdeng ki jylla (inter state movement) yn ym pat shah bad ka jingpakhang shnong ha ka jylla kan dang bteng, ha ryngkat ka jingpynjynsur ia ki rukom trei kam haduh ban da la pynbna pat da kumwei.