Ngam jyllop 32 ngut, ha ka jing ia tyngkhuh ka lieng hajan Dhaka

32 ngut ki briew, ki la iap ei bad sa bun phew ngut, ki la jah rngai, haba ka lieng, kaba kit ia shi spah ngut ki briew, ka la ngam ha ka wah Buriganga. La iathuh ba katei ka lieng, ka la ia tyngkhuh bad kawei pat ka lieng heh, hajan ka nongbah Dhaka, jong ka Bangladesh.

Katei ka jingjia, ka dei ha ka por 9.30 mynstep, ha kaba ki don shi spah ngut ki briew, ha katei ka lieng, kaba leit jingleit ha katei ka wah, kaba don ha ka thain Shyambazar, ha ki bynta jong ka Old Dhaka.

Ha katei ka jingjia, ki don san ngut ki kynthei, kiba la iap ei lem bad ar ngut ki khynnah rit.

Katei ka lieng, ka dei kaba wan leit sha Dhaka, na Munshiganj bad katei ka la ia tyngkhuh bad ka ‘Moyur-2’ hajan ka Sadarghat launch terminal. U nongniah ka Moyur 2, kaba kit kumba shi hajar ngut ki briew, ula phet krad na katei ka jaka jong ka jingjia.