Lap ka KSU, ba pyn jaboh ki kompeni ia ka Wah Umshing

Shillong, 24 Risaw:
Mynta ka sngi, ka KSU Mawlai Circle ha ryngkat bad ka KSU Umiam Circle, hadien ba lah ioh iaka jing ujor na ki nong shong shnong kiba ju pyndonkam ia kane ka wah kaba tuid na Umshing shaduh Tharia ter ter, shaduh ka wah Umrynjah; kumta ha kane ka jing jurip jongki artylli ki Circle ki shem ba kane ka wah ba ha ki por ba mynshwa ka dei kaba khuid bad ba sngur bad kaba long ruh ka wah kaba heh bad kaba ju pyndon kam da ki paidbah na ki nong shong shnong bapher bapher, ban sait jain saitnep kumjuh ruh ki nong khwai ki ju dap ha kane ka jaka; hynrei katba mynta ka lah rit ka lah ring swai bad ka lah wanrah ruh ia ka jingsaw jong ka um baroh saw aiom bad dap sa tang da ki maw bad ka khyndew ka shyiap,na ka daw ka jing pyntrei tih khyndew bad tih maw khlem da pyrkhat shuh ia ka Mariang da ki katto katne ki kompeni kum ka Toyota,Mahindra,YFC bad katto katne ki riew shimet kiba pyntuid ia ka khyndew ka shyiap ka maw ka dieng.
La iathuh ruh ba Company YFC, lyngba ka jing aiwai u trai jong kane ka jaka uta u Bah Honsen Lyngdoh, ka lah tih maw na kane ka jaka bad shwa ban tylliat ia une u maw ba ki lah tih ki sait shwa ha kane ka wah bad kane ruh ka lah wanrah ia ka jingdap noh jong ka Wah, da ka khyndew ka shyiap bad ka Maw ka Dieng ha kane ka wah.
Naka liang jongki artylli ki Circle hadien ba ki lah dep wan jurip ki lah dap daka jing sngew khia ia ka jing pyn jaboh ia kane ka wah da ki kompeni bad katto katne ki riew shimet khlem da pyrkhat shuh ia uba bun balang uba ju pyndonkam ia kane ka wah ha kiba bun ki liang bad na ka liang jong ki artylli ki Circle ki sngew tieng ia kine kiei kiei, kiba ktah iaka wah ba ioh shisien ka sngi kan sa jah noh ne kan sa kylla long noh tang kum kawei ka nala.Kumta naka liang ka KSU Mawlai Circle ha ryngkat ka KSU Umiam Circle ki lah rai ban leit buh noh da ka jingujor sha ki bor ba dei peit jongka KHADC, namar dei maka kaba ju peit bad sumar ia ki um ki wah bad ban leh ei ei da kaba tyngeh ha kaba ia dei bad ka jing pynjot,pynjaboh ia kane ka wah, ong ka kyrwoh da u Samla Rapbor Lang Nongrum General Secy. KSU Mawlai Circle bad Samla Stevenson Kharkrang General Secy. KSU Umiam Circle.