Shah kem sa uwei u dkhot ka GNLA bad ka suloi

Shillong, 24 Risaw:
Uwei u dkhot ka GNLA uba la tip kyrteng kum u Griksang Marak 22 snem ba ju khot sin u Chuang u la shah kem hynnin ka sngi Palei ha ki pulit Meghalaya na shnong Salpara kaba don hajan Mendipathar ka North Garo hills. U la shah kem ruh ryngkat bad ka bad ka suloi rifle.
Hadien ba u la shah kem, u Marak u la ialam ia ki pulit ia ka jaka ba la buhrieh ia ki tiar ialeh ha shnong Rongcheng ha West Khasi hills, lai tylli ki suloi rifle , ka AK bad ka suloi .303 rifle.
Ki pulit ki la ioh kurup ruh 160 tylli ki kuli bad saw tylli ki synduk magazines bad kawei ka AK magazine ba don 35 tylli ki kuli bad saw tylli ki kuli .303, ki tiar ai khubor, ki kot ki sla ka GNLA, ar tylli ki mobile phone, saw tylli ki SIM card bad kiwei pat.
U Marak u la pynlong jaka sah ha ka iing jong kawei ka briew kaba dei ka para jong u Dikrak R Marak uba la shah kem halor ka jaka ai jaka rieh ia ki lehnoh.
La kem ia u Marak katba u dang thmu ban leit rieh ha iing jong katei ka briew, la ong u SP ka North Garo hills u Jerry Marak.
Ha ka jingtohkit jong ki pulit, u Marak u la phla ba u la pyniap ia u area commander ha ka 12 tarik u Jylliew ryngkat uwei u dkhot ka GNLA u Mandal bad ar ngut ki dkhot ka ULFA u Babul Sangma bad u Wakang Boro.