Nang jur shuh shuh, u slap ha ki ar sngi ha Sohra

Shillong: Mynta ar sngi kynthih, ka don ka jinghap slap kaba jubor shi katdei ha Sohra.

Ha Sohra, naduh ka por 8.30 hynnin mynstep, haduh ka por 8.30 hynnin ka miet, ka jinghap slap, ka poi sha ka 495.0mm, katba mynta ka sngi, naduh ka por 8.30 mynstep, haduh ka por 5.30 janmiet, ka jinghap slap, ka poi sha ka 294.0mm.

Ka Shillong pat ka jinghap slap hynnin ka sngi, ka long 167.6 mm, katba mynta ka sngi, ka long 43.0mm, katba ha Umiam, hynnin ka sngi, ka long 68.4mm, katba mynta ka sngi, ka long 30.8mm.

Ka tnat peit mariang ka sorkar India, ka maham ba lashai ka sngi ruh, kan don ka jinghap slap kaba jur bha ki bynta jong ka Jylla.