Shillong: U Parad ba 73 snem ka rta, na ka shnong Umsamlem, uba kyrteng U bah Phling Sohphoh, ula khlad noh hynnin ka step ha ka shnong jongu. La tep ia utei u rangbah mynta ka sngi, ong ka khubor.
U Bah Phling, ula mih na ka jingshah sumar ha KJP Hospital, ha ka 22tarik mynta u bnai bad u dei ruh, uba la shah kynnoh bakla, ba u dei uba ioh jingpang khlam Covid 19.
La iathuh ba utei u rangbah, ula mih na ka jingshah sumar, khlem da donkam ban siew bai lut bai sep eiei, hynrei namar ba u don ia ka jingpang shadem, kumta, ka la ktah jur ia ka jingring bad pynhiar mynsiem jongu, namar ba kim don ki mashin oxygen bad kumta, ula khlad noh hynnin ka sngi ha la iing.
Phi don ban ong eiei?