Iarap komputor U MDC Mawlai

Shillong, 24 Risaw:
U MDC ka Mawlai u Bah Process T Sawkme u la iarap da ka komputor sha ka skul Presbyterian Upper Primary School Umrynjah kaba la seng ha ka snem 2005. Kane ka skul ka la don naduh ka klas A rit haduh klas X.
Kane ka skul ka don ha Ri Bhoi District hynrei ka hap hapoh ka Mawlai Konstitwensi.
Ban pynbha bad ban kyntiew shuh shuh ia kane ka skul, u Bah Sawkmie u la pynnoh jingiarap da ka komputor hynnin ka sngi ha ka jingialang ba don lang ki nonghikai, ki nongpyniaid ka skul.
U Bah Sawkmie ula ong ba ki kmie ki kpa ki trei shitom shisha na ka bynta ki khun ba kin ioh ia ka jingnang jingstad bad kim salia ia lade la ki dei ban trei shitom ruh tang ban pyn nang pynstad ia la ki jong ki khun hynrei ki khun ki dei ban sngewthuh ia ka jingkit ba khia ki kmie ki kpa da kaba siew kylliang ia ki lyngba ka jingminot thop ha ki jingpule khang ba ka jingtrei shitom ki kmie ki kpa kan nym long kaba lehnohei.
U la kyntu ia ki khynnah skul ban trei shitom bad shah shkor ia ka jinghikai ki nonghikai lada ki nonghikai ki mai ki shoh bad pynshitom kam mut ba ki nonghikai ki isih hynrei dei ba ki ieid bad ki kwah ba ki khynnah kin stad.