Dang iai bteng, ka diesel ban kiewdor tam ia ka petrol ha Delhi

Ha ka jingjia, ka bym pat ju jia ha India, ba ka diesel, kan kham remdor ia ka petrol bad mynta ha Delhi, ka diesel, ka la nang rem dor ia ka petrol bad katei ka dei hadien ka jingkiew dor, kaba la iai bteng la 19 sngi kynthih.

Mynta ka sngi, ka dor jong ka diesel, ka kiew da T.0.14 pisa bad ka dor thymmai, ka long mynta T.80.02 shi litre bad kaba dei ruh ka sngi, ha kaba ka dor ka diesel, ka la kiew dor palat pud ha ka nongbah Delhi.

Ka dor jong ka petrol, haduh mynta ka long T.79.92 pisa, da ka jing kiewdor kaba T.0.16 pisa.

Katei ka jing kylla, ka long haba ka dor jong ka petrol, ka neh hajuh hadien ba ka la kiewdor, na ka bynta 17 sngi kynthih, katba ka diesel, ka iai kiew dor beit shajrong.