Tyrwa pisa ki briew ka Assam, na ka bynta ban tei ia ka Kulsi Dam ha Wahkhri

Shillong: U MDC ka Rambrai Constituency u bah Bajop Pyngrope, mynta ka sngi, u iathuh ha ki kynta ba kylli jingkylli ha ka dorbar Mang tyngka jong ka Khasi Hills Autonomous District Council, ba ki don ki briew kiba dei na ka liang jong ka Sorkar Assam, kiba la wan ban jurip ia ka Wahkhri,da kaba ki la shim jingtip ia ka jingbun briew jong ki nong shnong shnong ha kane ka thain bad kumjuh ruh ruh da ka ba tyrwa da ka pisa ia ki riew paidbah bad kumjuh ia u MDC ka Rambrai Constituency ban kyrshan ia ka Wahkhri (Kulsi Dam Project) kaba don hapdeng ka Kamrup District,Assam bad ka West khasi Hills District bad Ribhoi District,Meghalaya.

U MDC ka Rambrai Constituency, u iathuh ba lada ai lad ia kane ka jingthmu ban shna ia kane ka Kulsi Dam project kan ktah ia palat ki 33 tylli ki shnong ki ba don ha ka ne ka thain, haduh mynta ki paidbah kane ka thain ki pyrshah jur ia kane ka jingthmu ban thaw ia kane ka Dam ha katei ka jaka, namar kane ka dei ha ka jaka ba don ka jingiapher jingmut bad lada ki ailad ia ka ban shna ia kane ka Dam, ka jingmyntoi kan leit lut sha ka sorkar Assambad ka jylla Meghalaya bad ka Council kan ym ioh eiei na kane ka project bad kane ka project kan ktah ruh ia ka jinglong jingman jong ka mei mariang bad kumjuh ia ka um bam um dih baroh kawei. Na ka liang u CEM ka KHADC, u bah Titostarwell Chyne, u iathuh ba la bishar bniah ia ka jingthmu ban thaw ia kane ka dam ha ka 17 tarik u Nohprah 2019 la thaw ia ki member ki kynthup ia ki 15 ngut ki dkhot jong ki tnad bapher bapher bad la ialam da u Chairman.

Na ka liang u bah Bajop u la ong ba kane ka Commitee kan ym lah ban sngewthuh ia ka jingeh ha kaba iadei bad kane ka bynta namar ba ki dkhot jong kane ka Commitee ki dei tang ki ophisar suda bad kin ym lah ban sngewthuh ia ka khia ka shon ki nongshong shnong kane ka thain, kumta u la buh ia ka jingkyrpad ba ka Council ka dei ban kynthup lang u Syiem jong ki tei ki Hima bad kumjuh ia u MDC kane ka thain kiba hap ha ki jaka ki ba thmu ban thaw ia ka ne ka Dam. Na ka liang u MDC ka Rambrai Constituency, u la pan ia ka jingkyrshan na ka KHADC ba kin ym shah ban shna ia ka ne ka Kulsi Dam project, ha ka ba na ka liang u CEM ka KHADC u bah Titostarwell Chyne u la pan por ban bishar bniah bha halor kane ka bynta bad ban kynthup lang ia u, kynthup lang ia ki syiem jong ki Hima kiba mut ban thaw ia ka ne ka dam. U CEM u la kren shai ba lada kane ka project ka ba wan rah jingeh ia ki paidbah yn sa ai ka jingkyrshan ban pyshah ia kane ka jingthaw ia kane ka Dam.