33 hectare, ka jaka jong ka Nepal, la dep kurup da ka China

Ki don shiphew tylli ki jaka ha Nepal, ha kaba ka la kurup ka China bad katei ka dei lyngba ka jingtrei surok, kaba wan na Tibet bad leit rung sha ka nongbah Kathmandu, ong ka khubor sorkar jong ka Nepal.

Katei ka dei ka kaiphod, ba la pyni da ka Survey Department of Agriculture Ministry of Nepal, ha kaba ka pyni ia 11 tylli ki jaka, kiba ka China, ka la dep rung bad kurup bad katei ka kynthup ia 33 hectare ka jaka kaba hap hapoh Nepal bad la iathuh ba ka China, ka a pyn kylla ia ki wah bad ia u pud u sam ruh kumjuh.