Jowai: U Additional Commissioner ka Taxation Department ka Sorkar Jylla u bah, L Khongsit u wan hiar myn hynnin ka sngi, sha East Jaintia Hills Khliehriat ban tohkit na ki Nongialam ki lai tylli ki seng- ka AJCCTA, ka EJDA bad ka Lumshnong Quary dealer and Supplier Association na ka bynta ban tohkit bniah halor ka jingkynnoh jong kitei ki lai seng ba ki don ki Ophisar jong ka Transport Department kiba khrong pisa ha ka kyrteng ka GST.
“Utei u heh ka Taxation u la wan ban pyntikna la ka don shisha ne em ka jingkhrong pisa ha ka kyrteng ka GST da ki briew ka tnad jong u. Ngi la ai ia u ka jubab kaba hooid, hynrei haba u kylli la ngi don ne em ki sabut, ngi ong Em. Namar ba kitei ki riew shim kabu jong ka sorkar kim ju ai ia ngi ia ki slip”, la ong u President ka AJCCTA u ma Balen Thubru ha ryngkat u ma Kyrshan Dhar uba dei ruh u Secretary katei ka seng.
“Ngi ki trai trok, ki driver, ki nongkhaii bad kumjuh bun ki paidbah ka rilum ngi shah shim kabu ha ki sahep jong ka sorkar jylla. Kidei kein ki paradoh para snam jong ngi, ki kjit ruh ia ka snam jong ki paradoh para snam jong ki hi”, ka kren bynniaw utei u nongialam ka AJCCTA.
“Ngi la shah khniot, ki nion ia ki naphang. Ki heh Company ne, ki heh sorkar ne ki sahep ba khamrit ka sorkar, ngi shah nion lut nadong ha dong”, la bynrap utei u nongialam.
La iathuh ba kitei ki ophisar jong ka taxation ki la shim pisa 300 tyngka kaba rit eh na ki trai jylla katba ia ki bar jylla pat ki shim 500 tyngka haduh 1000 tyngka, katta ruh ha ka kyrteng ka GST.
Ha katei ka jingtohkit utei u heh ka Taxation, ki nongialam kitei ki lai seng ki ieng skhem ban ong ba hooid ki ophisar jong katei ka tnad ki la dain kuna be-ain ia ki khlem da ai satia wat tang ia ka receipt.
“Kumno ngi lah ban pynshisha hakhmat utei u heh haba ki ophisar jong u ki kren heh, ki tim ruh da ka sih ka sang lada um siew ia kaba ki dawa nalor ba ki kop ruh ban thep along ia ki driver. Hynrei ki spah ngut kin ieng sakhi ha khmat ka iing Bishar lada donkam”, la ong u dkhot jong katei ka seng u bym kwah ban pynpaw kyrteng namar ki shimet jong u.
Ki don bun ki nongtrei sorkar ruh kiba donkti ha kaban trei ia ki kam shabar na ki ophis jong ki kiba ia kynduh ia kum kine ki jingeh, hynrei ki bym shym la kwah ban paw kyrteng wat lada ki iathuh lut ia ki jingleh jong ki para ba ia bamlang ia ka mluh sorkar.
U ma Balen Thubru u la iathuh ba na ka liang utei u heh ka tnad u la ong ba ki briew jong u kiba la buh ki weighbridge bapher bapher kim lah ban shim pisa, hynrei la buh ia ki tang ba kin check ne jurip bad lada lap ia ki kam be-ain ki lah ban pynshitom ia ki katkum ka ain ym ban shu dain kuna be-ain khlem da ai ruh wat tang ia ka receipt.
Ngi ki staff balah thing daka DHS na ka bynta ka covid 19 bad balah deploy ruh ha civil hospital Shillong ngi sngwlyngoh ba ka tulop ka jongngi haduh mynta kampat poi lah Jandon 3bnai haka iap ka im ngi lah tur ialade Naka bynta u paidbah ban iada nakane ka khlam hynrei ikumba ka sorkar ka klet ban siew tulop ki Ong ngi dei kita ki front line army tangba Kim pyrkhat shuh pat haduh 3bnai khlem jingsiew kamdei kaba suk khamtam hakum kine kipor jingjynjar