Mih ka jingiakajia hapdeng ki Khasi bad Nepali ha Langpih

Nongstoin, 25 Risaw:
Ki pulit ka Nong stoin ha ryngkat ki magistrate ka West Khasi Hills District mynta ka janmiet ki la leit ban hiar kyrkieh sha Langpih namar ka jingmih ka jingiakajia hapdeng ki jaidbynriew Khasi bad Nepali ha Maw diangsnam kaba don hajan Langpih.
Katkum ka tyllong khubor ba la iohlum la iathuh ba katei ka jing ia kajia ka la jia mynta ka sngi ha Mawdiangsnam ha kaba la suba ba la don ka jingiashoh ia dat hapdeng ki jaidbynriew Khasi bad Nepali hynrei ym pat lah satia ban pynthikna ia ka daw halor ka jingmih jong katei ka huri hura; hynrei la ioh jingtip ba ha katei ka jingkulmar ki la don ruh katto katne ngut kiba la mynsaw ha katei ka jingjia.
Na ka liang jong ki pulit haba ioh jingtip halor katei ka bynta ki la hiar kyrkieh sha katei ka jaka ha ryngkat ki magistrate ka West Khasi Hills na ka bynta ban lap bad wad ia ka jingshisha halor katei ka jingjia.