Negative, ka test ia u myntri rangbah hadien ba u la wan phai na Manipur

Shillong: U Director jong ka tnad ka koit ka khiah u Dr A War mynta ka sngi, u la iathuh ba la dep test, ia u Myntri rangbah ka Jylla u Conrad K Sangma hadien ka jingwan phai jong u na ka jylla Manipur, ha kaba la lap ba um don jingpang lane ba ka long negative.

U myntri rangbah ka jylla ha ka sngi saitjain ba la dep u la leit sha ka jylla Manipur ban kynduh ia ki 4 ngut ki MLA ka NPP ban iakren halor ka jingweng noh jong ki ia ka jingkynshan ia ka sorkar ba la ialam da ka BJP ha Manipur.

Kat kum ki kyndon jong ka tnad ka koit ka khiah ia kino kino ki briew, kiba wan na shabar ka jylla ki hap ban leh ia ka Covid test bad ia u myntri rang bah ha ka sngi nyngkong la leh ia ka test bad ka test ka ba la ioh mynta ka sngi ka long negative.