| Shillong: U myntri ka tnat ka koit ka khiah u bah A.L Hek mynta ka sngi u la iathuh ba ka sorkar lyngba ka ophis treikam DC ka Ri-bhoi district kala khang shwa shipor ia ka State Bank of India (SBI) Khanapara Branch hadien uwei u nongtrei ba trei hapoh ka Bank uba napoh ka jylla Assam u la ioh kem pang ‘corona virus’. U Bah A.L Hek u la iathuh ba une rangbah u ioh kem pang COVID-19 bad ia u mynta dang shah sumar hapoh ka jylla Assam. “Hadien ba ka kaiphod jong u ka paw ‘Positive’, na ka liang ka sorkar Assam ka la pyntip sha ka sorkar Meghalaya bad mynta ia ka SBI Khanapara Branch yn khang shwa shipor na ka bynta ban tehlakam iaka jing pur ka jing pang” la bynrap u bah A.L Hek. Nalor kane u myntri ka tnat ka koit ka khiah ka jylla u Bah A.L Hek u la iathuh ruh ba haduh mynta ka sorkar Meghalaya ka la lum haduh 16931 ngut naka bynta ban phah eksamin bad kumba 16585 ngut ki dei ‘Negative’ nalor 8 ngut pat ki dang don hapdeng ka jing pang ‘corona virus’. |
Phi don ban ong eiei?