Khie jumai ha Mizoram, julor ki iing ki sem

U jumai uba khlain bor, kumba 5.3, ula pyn kynniuh ia ka Mizoram, ha ka por 4.10 baje mynta ka step. Katei ka jingkhie jumai, ka la pyn or pait ia kiba bun ki iing ki sem bad ki jingtei bapher ha katei ka Jylla.

Ka National Center for Seismology (NCS), ka iathuh ba katei ka jingkhie jumai, ka dei ha ka jingjngai kaba 25 KM shatei mihngi jong ka Aizawl (ENE) bad ka jing jylliew jong u jumai, ka long 35 KM, katba ka epicentre ka long 23.80 (latitude) bad 92.26 (longitude).

Kham mynshwa ha ka 18tarik Jylliew 2020, ka la don ka jingkhie jumai kaba 5 magnitued bad katei ka dei ha ka jingjngai kaba 80 kilometre sha mihngi jong ka Champai District. Utei u jumai, ula khie ha Shillong ruh bad ha kiwei ki bynta ka thain shatei lam mihngi.

U myntri rangbah ka Mizoram, u pynthikna ba ka don ka jingkhie jumai ar sien ar wat hapdeng ka 12 kynta ha katei ka Jylla. La iathuh ba ka jingpeit bniah ia ka jing julor, ka dang iaid shakhmat, wat la ym don mano bano ba mynsaw ne ba iap na katei ka jingjia.