Nang kiew stet ka khlam covid 19 ha India, poi sha ka 4.10 lak ngut kiba ioh pang, kiba iap 13 hajar ngut

Kiba ioh pang covid 19 ha India, ki la kiew da 15,400 ngut ha ki 24 kynta ba ladep. Kumta baroh kiba ioh pang, haduh mynta, ki la poi sha ka 4.10lak ngut bad kiba iap, ki la poi sha ka 13,000 ngut.

Kiba ioh pang ha pyrthei, ki la poi mynta sha ka 8.7 million ngut, katba kiba iap, ki long 463,000 ngut, ong ka khubor jong ka Johns Hopkins University. Kiba ioh pang mynta, ki long 22,54,630 ngut bad kiba iap, ki long 1,19,714, kumta ka jingiap ha US, ka dei kaba bun tam eh, na ka khlam covid 19. Ka Brazil, ka wan ba ar, da ka jingdon kiba ioh pang, kiba long 10,32,913 bad sa 49,976 ngut kiba iap bad ha Russia, ki don 576,162 kiba ioh pang, katba ha India, ki don 4.10lak ngut.