Ka jingpang coronavirus, ka la nang ktah jur ha kane ka sien sa ha ka nongbah Beijing jong ka China bad ki bor pyniaid jong ka Beijing, ki la iaid shakhmat ban test ia ki briew bad wat ia ki tiar, ba pynkit lyngba ki courier bapher, ong ka khubor.
Ka jingtest, kan iaid stet bha ha katei ka nongbah, kaba don haduh 20 million ngut ki nong China bad katei ka dei hadien ba ka la don ka jingpang iabit kaba jur bha na kawei ka jaka die doh bad die dohkha, kaba la tip kum ka iew Xinfadi.
Mynta ia ka jingtest, yn leit sha ki iing ki sem jong ki briew, kiba don marjan bad katei ka iew bad kumjuh ia kito kiba trei lane kiba ju rung ha katei ka dukan.
Ym tang katta, ia ki phew hajar ngut kiwei pat kiba leit ai mar kylleng kylleng, kiba iaid da ka kjat ne da ki scooty, lem bad ki tiar kiba phah da ka parcel ruh yn peit bniah bha bad la iathuh ba katei ka jingpeit bniah, kan sdang naduh ka taiew ban wan.
Haduh mynta, ka sngi, ki don 200ngut kiba ioh pang covid 19 ha ka nongbah Beijing bad ki don 22ngut kiba dang ioh pang thymmai ha ka sngi thohdieng bad katei ka dei naduh ba ka la sdang pur katei ka jingpang ha Beijing, naduh ka 11tarik Jylliew 2020.
Ka jingleit test, kan long ha ki dukan shet jingbam, ki dukan ja, dukan sha bad katei ka long, haba lalap da ki doktor ka China, ia ki khniang jingpang coronavirus ha ki jaka ot doh ha ka iew Xinfadi.
So cry