Ha ryngkat ka jing sawa kaba jur bha, hap u met bneng ha Rajasthan

Ka la pynkyndit ia kiba bun, haba u met bneng, ula hap hynnin ka sngi ha ka nongbah Sanchore jong ka Jylla Rajasthan. La iathuh ba u met bneng, uba 2.78 kilo, ula hap beit beit na sahit bneng bad u leit syngngeit ha kawei ka madan, kaba la kylla long ka thliew kaba jylliew, haduh shi phut shapoh khyndew.

Ha katei ka por, ka don ka jing sawa kaba jur bha, kaba la ioh sngew na ka jingjngai, kaba haduh 2 kilometre antad.

U Bhupendra Yadav, Sub Divisional Magistrate, ula leit peit ia katei ka jaka bad ula lap ia kawei ka tiar, kaba dang khluit tasam bha bad ynda ka la pjah, ki pulit ki sa shimti noh ia katei ka tiar.

“Ngi la leit peit ia ka jaka, ba ka don katei ka kynja nar kaba hap na suin bneng bad kaba don ia ka sur jing sawa kaba jur bha bad ngi lap ba u dei u kynja metbneng uba hap, ha kaba yn tohkit ha ki jaka tohkit jong ka sorkar” ong U Yadav,

Ha ka jingpeit bniah jong kito kiba tbit ia kitei ki kynja tiar, la lap ba utei u met bneng, u kynthup ia Germanium, Platinium, Nickel bad ka Iron (10.23 per cent of nickel, 85.86 per cent of iron, platinum 0.5 per cent, cobbit 0.78 per cent, geranium 0.02 per cent, antimony 0.01 per cent niobium 0.01 bad sa kiwei 3.02 per cent).