Iai pynkhein ain 144 CrPC ki truck kit palat pud ha ka jingkieng wahmyntang

Shillong: Ka JSU Mynso unit mynnin ka sngi ka lah ioh biang ban bat sa san tylli ki truck ba kit palat palat pud kiba wan na ka shnong Barato kiba iaid lyngba ka jingkieng wah myntang kaba don ha ka shnong Mynso.

Kine ki truck kiba don ia u number ML 04 B 8721, ML 04 B 2274, ML 11 2113, ML 05 F 3671, ML 04 5847 kidei kiba kit shyiap ia Lakhon Phawa. Ka seng ha ka lai tarik jong mynta u bnai ka lah kem ia ki artylli ki truck kit palat pud jong u Lakhon Phawa, hynrei sngew lyngngoh ban iohi ba une ujuh hi briew ulah phah biang ia ki truck mynnin ka miet khlem da burom shuh ia ka kyndon ba lah pynmih da u District Magistrate.

Kane ka jingkieng kala ai jingshakri ia u paitbah da ki phew snem bad kaba pyniasoh ia shibun tylli ki shnong. Ka seng ka lah ong ba lada kane ka jingkieng ka khyllem noh ha kano kano ka por mano ban kitkhlieh ia ka hato yn maramot ia ka da ki riewshimet ne da ka tnad PWD jong ka Sorkar. Ka seng ka lah buh da ka ehjahar pyrshah ia kine ki truck ha 8mer Police Outpost ban leh ia ki katkum ka ain.