Dawa ki nongtrei ka MeECL na u MR ban thung Chairman ha ka tnat bording

Shillong: Ka kynhun ki nongtrei jong ka Meghalaya Energy Corporation Limited (MeECL) Joint Action Committee ryngkat bad ka Meghalaya Power Distribution Corporation Limited (MePDCL), ka Meghalaya Power Generation Corporation Omiced (MePGCL) and Meghalaya Power Transmission Corporation limited (MePTCL) ki la thoh sha u myntri rangbah ka jylla u Conrad K Sangma ban dawa ba dei ban thung noh da u Chairman cum Managing Director bad Director hapoh ka tnat pynmih bording ka jylla.

Ha ka shithi sha u myntri rangbah ka jylla, ka kynhun ki nongtrei ka MeECL ka la pynpaw ba ka tnat pynmih bording ka jylla kam don Chairman naduh u bnai nohprah 2020 bad namar kane ym don nong mihkhmat ban ia shim bynta ha ka jing ialang bad ki Director jong ka tnat pynmih bording ka jylla.
Na ka liang ka kynhun ki nongtrei ka tnat pynmih bording ka jylla ki la dawa ba dei ban thung noh da u Chairman na ka bynta ban ioh jing myntoi ka tnat bad kumjuh ruh ki nongtrei ha ki por ban wan.