Ba duh khaw ka Nongbareh Rim, haduh 5 bnai kynthih, iakynduh SDO ka KSU

Shillong: Hadien ka jing bym ioh khaw reshon, ka shnong Nongbareh rim, kumta ka Khasi Students’ Union Nongbareh Unit kaba hap hapoh ka jingpeit jingkhmih ka KSU War Jaintia Circle, ka la leit ia kynduh ia ka SDO Supply Amlarem.

Katei ka jing ia kynduh, ka long ba katei ka shnog, kam ioh khaw la 5 bnai kata naduh u bnai January haduh u May 2020. Ha katei ka jingiakynduh bad ka SDO Supply, la sngewthuh ba ka daw jong ka jingbym ioh khaw ration katei ka shnong ka dei namar ka jingbymshimkhia jong ki nongialam shnong ban pynbeit ia ki nongsam ban leit kit khaw rashon na ka bynta ki paidbah nongshong shnong.

Katkum ka jingiathuh jong ka SDO Supply ha ka por ba wan sam khaw ha Nongbareh Rim, ka la ong ba katkum ka rukom ka long ba lada ym don dealer hapoh shnong ban kit ia u khaw ration ia ki paidbah nongshong shnong, ka dei ka kamram jong ka shnong lyngba ka vigilance committee ban kit bad sam ia u khaw ration sha ki paidbah nongshong shnong, hynrei halor kane na ka daw ka jingbym treh jong ka shnong ka la pynlong ia ka office jong ka SDO Supply lyngba u Inspector Supply ban wan sam hi ia utei u khaw ha ka 05.06.20 na ka bynta 6 bnai kata naduh u bnai Kyllalyngkot haduh u Jylliew khnang ba ki paidbah kin nym kyrduh khaw khamtam ki kup shiliang sem shiliang, ong ka kyrwoh na u Secretary Unit Samla Subha Lamin.