Scholar Lawriniang Nongthliew WKH
Katba nga dang shong puson marwei ban kynmaw ia kiei kiei kiba la leit noh baroh, kumno re kumno nga la kum kynmaw pynban liak ia u Kaitor ba pawnam bha ka Ri Khasi u ba baroh baroh ngi ia ieit bad sngewtynnad bha, i ta i dei i Bah Norbert Sun i ba baroh hi ngi ju tip ia i da u bah U N Sun. Kumta kane ka jingkynmaw ka jong nga ka la pynlong ban ngan buh jingkylli ia lade shaei u jah u ne u kaitor ba pawnam bha ka Ri Khasi jong ngi? ia kaba kiba bun ba lang ki ju ai nam ia i kum u (The most popular musician of Shillong). Haba ia dei bad ka shnong jong i ngam da tip bniah bha i dei naei i sah haei hynrei la shu don ba ong ia nga ba i dei na ka shnong Laityrah tangba ngam tip pat la ka dei ne em ka shnong kaba tikna jong i.
Kumta ngam banse ban pynpaw pyrthei ia kane ka jingkynmaw jong nga ia u ne u khlur rwai ba pawnam bad ba iaid iew tam ha ri khasi, ka jingiaid iew ki jingrwai ba i la rwai ka long shaba palat shisha, nga ju kynmaw bha ba ki briew baroh naduh ki khynnah ki samla wat tymmen lane ki nongdih ruh ki ju ong, khlem ka jingrwai i bah u n sun te kan ym shongshit ka leit kai sngewbha (excursion) nangta ha kino kino ki jingkhawai dawai ba heh wat haduh kiba rit eh, wat ha ka iathoh kyntiew kurim ki briew ki ju sngewtynnad eh ban shad sngewbha beit da ka jingrwai jong i. Hangno mo ba ka jingrwai jong i kam poi ha ki jaka jngohkai sngewbha ha ri khasi?
Hangno mo ki jingkhawai kiba ha sor ne nongkyndong kiba iaid lait na ka jingrwai jong i. Hynrei haba leit sngewbha ne leit khawai dawai ha ki bnai tlang shu sawa beit tang ki jingrwai WAT LEH TYMBUM TYMBUM SE THEI, KPA KA RI KMIE KA RI, WAT IA SHAD BAD NGA, MAT DEI IBALIEH MAT DEI IBA IONG bad bun kiwei kiwei ruh kiba ngam lah jer lut. Ka jingrwai jong i ka la khring shisha ia kiba bun balang khamtam eh ia ki Samla , ym tang kata wat ki nongdih ruh ki ia sngewtynnad bha ban shad ia ka jingrwai jong i kaba ong YNDA NGA LA NOK.
Don kiba ong ka jingkhawai ne ka jingleit kai sngewbha khlem ka jingrwai i bah UN Sun ka long thik kum ka jingkhawai khlem ka tungrymbai, kam shongshit eiei ruh, wat nga ruh nga lap da la ki khmat ia ka jingiaid iew ka jingrwai jong i wat u dkhar ba kamai auto rikshaw ha ki thain Ganeshguri (Assam) u dang tem da ka jingrwai kaba la rwai ma i kaba ong, MAMA KAHAA HAI? MAMA KAHAA DIDI? kane la la pynlong ia nga ban shu rymmuin ha la marwei ia ka jingiaid iew ka jingrwai jong i. Lah ban ong ia ka ka jingrwai jong i kum u piat u ba long lut ha kino kino ki jingshet, namar ka jingrwai jong i ruh la phi ong kmen ruh long, sngewsih ruh long, kane ka khring ia kiba bun ba lang ki paidbah ba bun ha Ri khasi.
Lada ngin shu sngap luk liak ia ki jingrwai jong i bun kiba ong ka long kamkai lane bym don jingmut ba shu rock beit, nga shait pynrem bad ong ia ki ba phi sngap tang dep hynrei te ynda phi la pynshongdor bha ia ki kyntien ha ka jingrwai kaba i la rwai ki long kiba khia thew bha, ki don ia la ka dor ba khraw. Namar i long u nongrwai ba la iohi lypa ia ka eiei ka ban sa wan ha ka long briew man briew bad i ba shlur ban kren beit haba iohi, ki jingrwai jong i kiba da khia thew shisha ban pyrkhat bad kiba ia dei ruh bad ka iap ka im ka jong ka jaitbynriew ki dei ki jingrwai ba la ai kyrteng KIAW KHASI, TRADING LICENSE, nangta pat kawei de ka BIRIA ELECTION , bad ka KA PLA SORKAR BA PEI. Kine ki jingrwai kiba nga la sngap bad pynleit jingmut bha nga shem ba ki don ia ka dor kaba khraw haduh katta katta na ka bynta ka iap ka im ka jaitbynriew kham tam ha kine ki sngi mynta.
Kumta nga la sngewdei ban wad biang ia kum kine ki briew ba don sap phylla ha ka ri khasi jong ngi ban kyntiew biang ia ki sap ki phong jong ki, don kiba ong ba i bah U N Sun i don ha jingthiah pang bunsnem , tip la ka dei kaba shisha ne ka hamsaia kata, namar la bun snem i la jah jlang ym ju pynmih jingrwai shuh tip shaei i don? Kumta nga buh ka jingkyrpad ia ki lad pathai khubor bad ki social Media kum ki Ri khasi News, Betesi tv, T7news, bad kiwei kiwei ba kin wad jingtip kum ia kine ki riew shemphang ka jaitbynriew kiba long ki nongkyrsiew thiah ka jaitbynriew lyngba ka sap ka phong jong ki ba ki don. Khnang ba kan long ka jingmyntoi ia ka ri khasi hi baroh kawei da ka jingdon kum kine kan kyntiew ruh ia ka nam ka burom ka jylla hi baroh kawei.
Nga da ia hap jingmut eh bah phi bah, nga ruh nga ju kwah bha ba ki press kin wad ia une u kaitor khraw nam jong ka ri jongngi shaei u jah, lada ka dei shisha ba u don ha jingthiah pang ruh, ngin ia buh lem ha ki jingdwai ba un ioh noh ia ka jingkoit jingkhiah khnang un lah ban pynmih shuh2 ki jingrwai ba sngwtynnad bad ba don jingmut..
Sahnud ia u U N Sun namar haduh mynta ngim tip shuh shaei u don bad kaei kaba jia ia u namar ym don ba iathuh tikna shaphang jong u haduh mynta namar kata na la liang jong ngi kum ki paitbah ngin shaniah beit haki press ki media ba kin wat jingtip lem shaphang une u Kaitor ba khraw ka ri khasi.
Nga ruh nga sngew dei ka jing ong jong i bah Scholar lawryniang, ba u UN Sun un mih pyrthei biang ban rwai namar bun bah kiba la kwah ïoh sngw biang ïaka jingbrwai jong u bah Un Sun.
Pawnam te u pawnam bha une u nongrwai nga hi shimet te ngam sngewtynnad eiei ia Une u Bah namar bun hi ki kyntien jingrwai jong u ki long kiba kham khlemakor. Ym da nud ban iasngap Lang shiing sjisem.
Ngi kum ki pathar ngi kwah tip shi sha ia ka daw ba lei u jah jlang . . Nga sngew bang shi sha ia ki jing rwai u u n sun na mar ia ki ba leh ia ka kam u pyn mih shisha um buh rih .kum jing rwai kiaw khasi.pla sorkar.. ki briew ki ba ym sngew tynnad ia ka jing rwai jong I tang ki ba leh ia ka kam na mar ba tyng khuh ha shing
Ngan jin dala kmen eh lada I bah UN Sun in dang lah biang ban pynmih jingrwai.Lada I kloi ban wanphai biang,ngan ñiew ia I kum u ‘Tiewkulab bala phuh biang sa shisien hadien ba u la tlor bad jah noh.To sieh bah sngewbha wan kloi noh ngam lah shuh ban ap lano phin wan.Ki dur jongphi ki la dap lut ha Whatsapp Status jong nga.
“Wan kloi bah bah
Ban ap ia phi ngam lah shah
Mynsiem ka thrang dohnud ka pang
Ale noh kloi khlur dap shynrang”
Nga ioh pule kawei ka khubor ba thoh uwei u journalist uba na bar jylla, u la leit wad bad iakynduh ia u bah u.n sun, bad u la lap ba um da don ha ka met ba shait ba khlain bha, bad u ong ruh ba u la sdang bhai ban pule tista ia ka Bible ruh..
Khlem i Bah UN Sun te ka Ri Khasi kan kynjah beit jlam…. Nga kitbok ba in nang shait nang khlain noh…???
Hooid kñ shaei I jah jlang
Ka rukom shna sur jong i ka pher bha bad ki wei bad wat haduh ki kyntien ruh da ki bym shym poi pyrkhat beit la ha ka sur ieit ne sur biria ruh… He is so talented n different from others… Hope we will hear some news about him and the fact that he conceal him self…
haduh mynta mynne ruh nga dag tem beit ki jingrwai jong u lano kein in mih pyrthei biang
Ki jingrwai ba nga sgew tynnad tam eh ba la rwai ma I dei baroh kito ki jingrwai Christmas.. Lada in dang lah bn pn mih shuh2 ki jingrwai Christmas te katno sgew tynnad
Nga ruh nga ia mynjur shisha bad i bah Scolar iba la pynkynmaw biang ia une u kaitor biria dei por jong ka bri u Hynniewtrep jongngi, sngewiahap bha ia ka jingai jingmut jong I bah namar kaei kaba une u kaitor ka Ri ka urlong thik kumta bad sngewsarong shisha ban pynpaw lang hangne ba une u kaitor ula kyrsiew thiah ia ka jingleh jingkam ka jaidbynriew jongngi, nga ruh uwei napdeng ki nongkyrshan jong u ngam ju lyndet ban thied iaki sai kyllain sur thymmai jong une u kaitor manla ba u pynmih sur thymmai, hynrei mynta shu kynsan, u jah syndet khlem ioh sngew shuhvshaphang jong U, kyntu ia phi ki pathai khubor ban lum jingtip lem shaphang jong u….
Ki khasi jong ngi mynta, kim lah bn rwai kum rwai i bah UN SUN. Bun ki ba rwai ia ka jng ieid bt, la thaid shuh bn sngp rh, ka juh shi ka juh, jng ieid shi jng ieid. Uff.