Pynkhuid surok NH ka KSU Mawkajem

Shillong,7Risaw:
Ka KSU Maw kajem Area Unit ha ka 1 tarik u bnai Risaw ka la pynlong ia ka jing pynkhuid ia ka surok Shillong-Pynursla (NH.40)da kaba pyn khuid ia ki surok iaid kali ha ka sngi sdang pynkhuid naduh ka shnong Laitlyngkot haduh ka shnong Pom lum ha kaba baroh ki plastik bad kiwei kiwei ki jaboh la pynkhuid lut baroh bad la thang ia ki , Ia katei ka jingpynkhuid la ialam da u President ka Seng u Bah Amosstar Khongknaw.
Ka jingpynlong ia kane kapynkhuid shnong ka long namar ba ki briew kin bud bad pynkhuid man ka sngi na kawei ka por sha kawei pat ka por khamtam ha ki jaka paidbah bad ka la kyntu ia ka Dorbar shong jong ki shnong kiba don hajan jong ka Surok bah ba kin iasnohkti lang bad ki ha kane ka jingpynkhuid ia ka surok khnang ba ryntihlang kin lah ban pynkhuid ia ka surok bad kiwei kiwei ki jaka ban pynlong kaba khuid kaba jyrngam bad ka jaka ba ym don plastik.
Ki la mana ruh ia ki paidbah ba kin ym bret nuit bad plastik pathar ha ki jaka paidbah bad ha ki surok bad lada lap iano iano baleh pyrshah yn sa pynhap ha ka kyndon ain, ong ka kyrwoh na u Pynbhalang Mylliem Publicity Secretary.