Da pyntip, haba kwah leit khwai sha Umngot

Shillong:U Doloi jong ka Elaka Darrang Dalloiship, kaba hap hapoh ka Amlarem Sub Division jong ka West Jaintia Hills District, mynta ka sngi u la maham tyngeh ia ki briew ki ba juwan khwai bad wan jngohkai sha kane ka Elaka ka ba don ka wah Umngot, khlem da pyntip ia ki bor shnong.

U Daloi jong ka Darrang, u la iathuh ba ka jingshim ia ka rai ban pyrkhing ia ka jingwan rung jong ki briew sha ka ne ka Elaka ka long kum shibynta ban tehlakam ia ka jingsaphriang ia ka khlam Covid-19 ia ka ne ka thain.
U la ong ruh ba kane ka jingpyrkhing kan long ruh kum ka jingiada ia kane ka wah Umngot na ka jingpynsniew bad ka jingpynjulor ia ka ne ka wah.
Na ka liang u Daloi ka Elaka Darrang u la buh ka jingkyrpad ia ki paidbah ki ba wan ban khwai ne wan jngoh kai ha kane ka wah ba kin pyntip ha u number 8132096302 ban pyntip shuwa ban rung ha ka ne ka thain.