Kiew stet ka jingpang covid ha Assam, don sa 42ngut kiba ioh, baroh 3,092 ngut

Ka jingpang Covid 19, ka la nang kiew stet bha ha Assam bad mynta ka sngi, la iathuh ba ki don sa 42 ngut kiba ioh ia katei ka jingpang. Baroh kiba ioh ia katei ka jingpang, ki la poi sha ka 3,092 ngut.

Na kito kiba dang shu ioh pang, ki kynthup ia 19 ngut na Nagaon, 16 na Kokrajhar, 4 na Lakhimpur, 2 na Jorhat bad wei Dhemaji, ong ka jingthoh jong U Himanta Biswa Sarma, myntri ka koit ka khiah ha ka twitter jongu.

Kiba dang don ia katei ka jingpang, ki long mynta 1,987 ngut bad kiba la jem ha ka jingshah sumar, ki long 1,097 ngut.