Shah bom iap u dkhot ASAK ha ki paidbhur

Shillong 5 Risaw:
U Suba ba dei u dkhot jong ka seng ASAK u la shah bom iap ha ki paidbhur haa iew Neng kong ha South Garo Hills katba u dang thmu ban lute pisa na ki nongshong shnong ha kane ka janmiet sngi Saitjain.
Katkum ka khubor na ki pulit, lai ngut ki dkhot katei ka seng ki la rung ha katei ka iew Nengkong kaba jngai 40 km na Baghmara bad ki la pyrshang ban byrngem ia ki paidbah da kaba dawa pisa ha ka por:30 baje janmiet.
Ki paidbhur kiba la bitar ia kane ki la kthong kylla ia kitei ki briew bad ki la ioh bat ia uwei na ki uba la tip kyrteng kum u Pongreng R Marak.
ki paidbhur ki la tied la bom haduh ba un iap syndon. Une uba khlad u dei na shnon Rewak ka thain Siju.la ioh kurup ia ka pistol 7.62 pistol lem bad ka shithi ka seng ASAK na ka met jong u bad la aiti sha ki pulit da ki nongshong shnong. ia ka met jongu la rah sha Baghmara ha ka sngi u Blei ban leh ia ka post mortem.