Shillong: Wat la ka sorkar Meghalaya ka la shah ban sdang noh ia ka jingkhaii sha Bangladesh lyngba ka jaka khaii kaba don ha Tamabil, hynrei na ka ophis jong ki Custom, ki la pyntip ba haduh mynta ka sngi kim pat don kiba leit shalan mar na katei ka jaka sha Bangladesh.
Ka Khasi Student Union Jaintia Hills Unit mynta ka sngi kala leit ban jurip sha katei ka jaka khaii ban tip la ka la don ne em ka jingshalan mar sha Bangladesh, hynrei ki la lap ba ka ophis jong ka Custom ka khang mynta ka sngi.
Na ka liang ka KSU ka la lap ba na ka liang jong ki nongkhaii bar ri, ruh kim pat phah mar sha Bangladesh bad ha surok ruh ym pat iohi ia ki trok ba kin ieng ban leit sha Bangladesh.
Katba na ka liang jong ka Hynniewtrep Youth Council ha ka sngi nyngkong ki la leit ban jurip ia katei ka jaka khaii sha Bangladesh. Ka HYC ka la pynpaw ia ka jingpyrshah jur ia kane ka jingpyllait jong ka sorkar ia mynta, namar ba ka Ri Bangladesh ruh ka dei kawei na ki Ri, kaba la shah ktah jur ha ka khlam COVID-19.
Phi don ban ong eiei?