U Jyotiraditya Scindia, u nongialam ba rangbah jong ka seng BJP bad ka kmie jongu, ka Madhavi Raje Scindia, ki la ioh ia ka jingpang khlam coronavirus bad ki don mynta ha ka jingshah sumar ha ka Max Hospital ha Saket jong ka south Delhi.
U Scindia, ula don ha katei ka hospital, la saw sngi kynthih, hadien ba ula ioh ia katei ka jingpang. Ka kmie jongu pat, kam shym pyni dak eiei ruh em, ba ka don ia katei ka jingpang bad ka don ha kawei pat ka hospital, ong ka khubor.
Ha shwa kata, U Sambit Patra, u nongkren jong ka seng BJP, ula leit shah sumar ha Medanta Hospital ha Gurgaon, namar ba ula ioh ia katei ka jingpang bad ula mih noh hynnin ka sngi.
Phi don ban ong eiei?