Rai ka Balang U Blei, ban sangeh shwa ia ka jingplie ia ki jingiaseng ha ki iingmane

Shillong: Ka jingialang jong ka Pastors’ Fellowship ka Balang U Blei, Meghalaya Assam, kaba la long mynta ka sngi, ka la rai ban sangeh shwa ia ka jingplie ia ki jingiaseng ha ki iingmane bapher jong ka Balang U Blei, Meghalaya bad Assam, lada dei ha sor ne ha nongkyndong ruh. La iathuh ba kane kan trei kam naduh mynta ka sngi bad haduh ban da pynbna da kumwei pat.

Ka kyrwoh na U Pastor R Imiong, Executive Secretary, Pastors Fellowship, Balang U Blei Meghalaya & Assam, ka bthah ia ki para ba ngeit ba kin bud ryntih ia kitei ki jingbthah bad la kyntu ruh ba kin iai bteng, ban pynlong jingiaseng ha la ki jong ki iing.