Phah dorkhas ka JSU sha u myntri ka tnat ka koit ka khiah ban pynbiang ia ka Mynso PHC

Shillong: Ka Jaintia Students Union Shillong Circle lyngba u President u Samla Treiborlang R.Suchen bad U General Secretary U Request Pakma hynne ka sngi ki lah phah da ka dorkhas sha u myntri ka tnad ka koit ka khia u A.L Hek ban pynkiew kyrdan noh ia kane ka jaka sumar sha ka 24×7 PHC.

U General Secretary ka seng u lah ong ba u lah ioh ban pynsngew ia ki jingeh jong kane ka PHC ha u myntri lyngba ka phone halor ka jingkynduh jingeh ki paitbah ha kane ka thain.

Ka seng lyngba ka dorkhas ka lah dawa ruh na u myntri ban ai noh da ka Ambulance ia kane ka PHC na ka bynta ban ai jingshakri ia ki paidbah kiba donkam jingiarap ha ka por kaba kyrkieh bad khamtam ha ka pang ka shitom ba kum ki paidbah ki hap ban mad na ka por sha ka por.

Lah ong ruh ba kane ka PHC ka dang duna ha ki staff ,lab technicians, pharmacist,ki tiar sumar bad kiwei kiwei bad kane ka PHC kaba la ai ka jingshakri ia u paitbah da ki phew snem mynta hynrei ka don tang tang artylli ki jingthiah ban shakri da ki hajar ngut ki paitbah.